d schatte wärde länger
d zyt isch uf dr flucht
s isch meh verby aus no wird cho
dr summer schlycht dervo
u du ghörsch no sys echo

chumm, blas no mau i ds füür
pflanz no mau e boum
chouf dr es nöis paar schueh
ei tür geit uuf u ei tür geit zue

mir si so mängisch verreckt u uuferschtande
hei fang so mänge abschtrech gmacht
ganz guet im flüge u schlächt im lande
mir hei viu gschlückt u hei viu glacht

ging chly nes gnuusch, ging chly am höie
si i so mängi sackgass cho
u hei a schwärem müesse chöie
hei öppis gäh u öppis gno

mängs isch i d hose, angers isch glunge
hei funktioniert u hei verseit
hei verlore u wieder gfunge
hei üs la trage u hei treit

mir hei neuland entdeckt u aute plunder
hei viu gseh cho u viu gseh gah
es isch es gschänk, gränzt an es wunder
nach au däm si mir ging no da

d schatte wärde länger
d zyt isch uf dr flucht
s isch meh verby aus no wird cho
dr summer schlycht dervo
u du ghörsch no sys echo


[patent ochsner]